Züritüütschi Ääschme Krimi

De polizeilütnand Häiri Ääschme · d biografii

Schrifttüütsch wüür der Ääschme Eschmann häisse. Nach em buech ‹Zürcher Familiennamen› chunt de name vom ene hoof Äsch oder Esch.

Em Ääschme siis elterehuus schtaat im Schöönebèèrg obe, de ‹Löie›, d doorffbäiz, won iez siin brüeder und sini schwöögeri wììrted druff, won er sich verschtritte hät mit beedne bim ene fall deetobe (krimi 14).

Us de verschidne krimi cha me gsee, das der Ääschme früener emaal bi de ‹Sitte› gschaffet hät und uf verschidne revier, bis er mit öppe vierzgi bi de Kripo gglandet isch, doozmaal under em lütnand Grüenefälder. Schpööter isch er dèm siin naachfolger woorde.

Siin voorgsetzten isch de haupme Konraad Mäischter gsii, won er guet uuschoo isch mit em (krimi 1 bis 9). Dän aber isch de tr. juur. Ludwig Tüümler siin scheff woorde (krimi 10 bis 21) – e ganz e schlächti waal, wo di obere troffe händ.

En fall z Wiediken usse häd em s ggnick proche (krimi 20). Er isch suschpändiert woorde. Aber blos suschpändiert. Drum häd en nach ere gwüssne ziit de oberscht Feisler, de polizeischeff, wider chöne hole für de fall Gessner (krimi 21).

Der oberscht Feisler häd em dän aber es äi ggläit i de gschtalt vo de frau tokter Isabèll Caliander, de naachfolgeri vom haupme Tüümler, wo scho glii der übername ‹chrischchindli› überchoo hät (krimi 21 bis 27).
Quelle: Viktor Schobinger, http://www.zuerituetsch.ch/biographie.html

Alle Äeschme Krimi im Überblick:

Die Inhaltsangaben finden Sie unter Krimi Übersicht und Schobinger eingeben oder unten den entsprechenden Krimi anklicken.